Ergako Trinitatea
Irurtzun, Spain
2 months ago
Irurtzunetik pasatzen Plazaola trenbide zaharretik atera eta, mendi aldera jo dugu. Hasieran, asfaltozko pistatik, baina berehala lurrezkoa bihurtu eta balizatutako bidetik igotzen hasi gara, Putreen Behatokira doan bidea ezkerrera utzi eta, eskuinetik ateratzen xendan barrena basoan murgildu gara. Aizkorbetik datorren pista zabalarekin bat egitean, aldapa bizitu egiten da eta ez dugu atsedenik hartu pista amaitu eta xenda hartu dugun arte. Azken aldapari aurre egin eta Ergako Trinitatearen ermitara iritsi gara. Atsedena hartu ostean, etorritako bidetik ehunen bat metro atzera egin eta nabarmena den bide zabaletik Ergako tontorrera igo gara. Eseri eta hamaiketakoa egiteko beta hartu dugu ikuspegi paregabeaz gozatzen dugun bitartean.
0 Comments
Ergako Trinitatea